આવો તો ય સારું
ન આવો તો ય સારું

પ્રીતિનું પુષ્પ  ખિલે  છે  ઘડીભરની જુદાઈમાં
અજંપો લાગતો મીઠો મીઠો પ્રીતની સગાઈમાં

આવો તો ય સારું ન આવો તો ય સારું
તમારું  સ્મરણ  છે  તમારાથી   પ્યારું!

આવો  ને  જાઓ  તમે ઘડીયલ ઘડી થઈ
યાદ તો તમારી મીઠી અહીંની અહીં રહી
મોંઘું તમારાથી સપનું તમારું

આવો તો ય સારું ન આવો તો ય સારું
તમારું  સ્મરણ  છે  તમારાથી   પ્યારું!

મિલનમાં મજા શું મજા ઝૂરવામાં
બળીને શમાના  પતંગો  થવામાં
માને ના મનાવ્યું મારું હૈયું નઠારું

આવો તો ય સારું ન આવો તો ય સારું
તમારું  સ્મરણ  છે  તમારાથી   પ્યારું!

સ્વરઃ મુકેશ
ગીત-સંગીતઃ અવિનાશ વ્યાસ (૧૯૬૭)

ક્લીક કરો અને સાંભળોઃ