નાવિકની ભક્તિ

નાવિક વળતો બોલિયો, સાંભળો માહરા સ્વામ;
સાથ  સહુ  કો  નાવે  બેસો,  નહિ બેસાડું રામ.

વાર્તા  મેં  સાંભળી  છે,  ચરણ  રેણુની  અપાર;
અહલ્યા ત્યાં સ્ત્રી થઈ સહી,  પાષાણ ફીટી નાર.

આજીવિકા  માહરી  એહ  છે, જુઓ મન વિવેક;
સ્ત્રી  થાતાં  વાર ન  લાગે,  કાષ્ટ  પાષાણ  એક.

આજીવિકા ભાંગે માહરી, આગે એક સ્ત્રી છે ઘેર;
બે  મળીને   શું  જમે?   શી  કરું   ત્યાં   પેર?

હસી  વિશ્વામિત્ર બોલીયા,  ચરણ–રેણે સ્ત્રી થાય;
તે  માટે  ગંગાજળ  લેઈને,  પખાળો  હરિ–પાય.

હસીને  હરિ  હેઠા  બેઠા,  રામ  અશરણ-શરણ;
નાવિકે  ગંગાજળ  લેઈને,  પખાળ્યાં  ત્યાં ચરણ.

- ભાલણ