નહિ નમશે નહિ નમશે
નહિ નમશે નહિ નમશે નિશાન ભૂમિ ભારતનું
ભારતની એ ધર્મધજાનું
સાચવશું સન્માન! નિશાન ભૂમિ ભારતનું
ઐક્ય તણો એ અમરપટ્ટો છે
મુક્તિનું વરદાન! નિશાન ભૂમિ ભારતનું
ભારતમાના મંદિર પર એ
શાંતિનું એંધાણ! નિશાન ભૂમિ ભારતનું
નિર્ભયતાની નોબત છે એ
પ્રેમ તણું શુભ ગાન! નિશાન ભૂમિ ભારતનું
એની ટેક નિભાવવા કાજે
તન મન ધન કુરબાન! નિશાન ભૂમિ ભારતનું
-ત્રિભુવનદાસ ગૌરીશંકર વ્યાસ |