જે આંસુ ખોઉં છું

જે  આંસુ  ખોઉં  છું  એનો  મને અવેજ મળે
કે  હું  રડું  તો  તમારા  નયનમાં  ભેજ  મળે

તમારી   પ્રીત  મળે   ને  ફકત  મને જ મળે
પછી ભલે  ને  વધારે  નહિ  તો  સહેજ મળે

મળે  છે  સ્નેહના  સાથી  ઘણાં યે  દુનિયામાં
હૃદયને હઠ છે પ્રથમ જે મળ્યા'તા એ જ મળે

જો મળવું  હોય તો  ‘બેફામ’ની કબર પર જા
હવે  એ  રખડું  નથી  કે  તને  બધે  જ મળે

-બરકત વિરાણી ‘બેફામ’
ક્લીક કરો અને સાંભળો
ગઝલની પ્રસ્તુતી બરકત વિરાણીના પોતાના જ સ્વરમાં

[ઓડિયો સૌજન્યઃ ભાવેશ એન. પટ્ટણી, અમદાવાદ]