હો મુબારક પ્રણય-મસ્તી યૌવન તને

હો મુબારક  પ્રણય-મસ્તી યૌવન, તને,  સૌ શિશુના તરંગોની સૃષ્ટિ બને;
જડ  મંહી  ચેતનાને  નિહાળી જવા  દૃષ્ટિ  સૌની  મસીહાની  દૃષ્ટિ બને.

હર કળી  ફૂલ,  હર ફૂલમાં બાગ હો,  બાગમાં  રોજ તાજી બહારો રહે;
જેમ ઋતુ આવીને જાય  પણ રણ મહીં તપ્ત રેતી તણો નિત પથારો રહે.

રાત  થઈ જાય  પાલવ  કોઈ રૂપનો,  ભાત રંગીન  એની  સિતારા બને;
આપવા  મિલનનો કોલ  પ્રિય પાત્રને,  સૂર્ય  ને ચંદ્ર નાજુક ઈશારા બને.
-હરીન્દ્ર દવે