ઈશ્વર શું છે આ મરજી તારી?

કેમ જતી અવળા માર્ગે સૃષ્ટિ સારી
જોઈ  મૂંઝવણ  મને   થાતી  ભારી
ઈશ્વર  શું   છે  આ  મરજી તારી?
કેમ  ન  દે  તું  સૌને  બુદ્ધિ સારી!

સ્વાર્થ આ દુનિયામાં  કોણે સરજ્યો?
લોભ ને મોહ ક્યાંથી કેમ પ્રગટ્યો?
ઈશ્વર  શું   છે  આ  મરજી તારી?
કેમ  ન  દે  તું  સૌને  બુદ્ધિ સારી!

જીવ એક કેમ  બીજો જીવ ખાતો?
નબળાનો જ  ભોગ  કેમ લેવાતો?
ઈશ્વર  શું   છે  આ  મરજી તારી?
કેમ  ન  દે  તું  સૌને  બુદ્ધિ સારી!

હું જ સાચો કેમ એવું બધાંને થાતું?
જીતે બીજા તો મન કેમ થાતું ખાટું?
ઈશ્વર  શું   છે  આ  મરજી તારી?
કેમ  ન  દે  તું  સૌને  બુદ્ધિ સારી!
-અજ્ઞાત