| [પાછળ] |
સાચા શબદના પરમાણ આપ કરી લે ઓળખાણ એ સાચા શબદના પરમાણ સાકર કહે નહિ હું છું મીઠી વીજ ન પૂછે મુજને દીઠી? મોત બતાવે ન યમની ચિઠ્ઠી પેખ્યામાં જ પિછાણ કોયલ ટહુકારે આંબાડાળે અંગ ન તોડે, કંઠ ન વાળે ગંગા વહેતી સમથળ ઢાળે ખેંચ નહિ, નહિ તાણ એ સાચા શબદના પરમાણ ફૂલ ખીલે નિત નવ જેમ ક્યારે શ્વાસ લિએ ને સૌરભ સારે અંતરથી એમ ઊઠે ત્યારે વહે સ્વયંભુ વાણ એ સાચા શબદના પરમાણ -મનુભાઈ ત્રિવેદી ‘સરોદ’ |
| [પાછળ] [ટોચ] |