નેપુર તારાં રુમઝુમ વાગે

          જૂઠી તે રીસની રાગે
          નેપુર તારાં રુમઝુમ રુમઝુમ વાગે

          રૂપાળવી
          કામના હજાર કાંઈ બ્હાના કરીને
          અહીં અમથી ન આવતી લાગે

          જૂઠી તે રીસની રાગે
          નેપુર તારાં રુમઝુમ રુમઝુમ વાગે

          અમથી નજર વાળી લેતી ભલેને
          રહે છણકાની રીત નહિ છાની
          સાચા તે રૂપિયાની હોડ અમારી
          જંઈ ઓછો ન સોળેસોળ આની
          આવડો ફુંફાડો ન રાખિયે નકામ
          એને નાનો ગોવાળિયો ય નાથે

          જૂઠી તે રીસની રાગે
          નેપુર તારાં રુમઝુમ રુમઝુમ વાગે

          -રાજેન્દ્ર શાહ