ફટ રે ભૂંડા!

ફટ રે ભૂંડા!
સહજ સાથે તરવા આવી,  ત્યાં તો ખેંચી જળમાં ઊંડા
જળ   અજાણ્યાં, વ્હેણમાં  વમળ, વસમી  એની  ઝીંક,
પૂર   હિંડોળે    હીંચકા    લેતાં    હૈયે   આવે   હીક,
તો   યે   તારો  આ  મારગ  મૂકી  જાતાં  લાગે  બીક.
કીધાં કેવા કામણ કૂડાં? ફટ રે ભૂંડા!

વાહ ગોરાં દે!
સાત  જનમનો   સહરા  હું  તો,  શેનાં  જળની  વાતો,
નેહના સાગર  નેણમાં નીરખ્યાં  એની  ભરતી આ તો!
પરવશ   અંગે   અંગ    કરીને   કીધ   મને   તણાતો,
નીકળશો શું સાવ કોરાં દે? વાહ ગોરાં દે!


	     -જતીન્દ્ર આચાર્ય