એક તમારા મતને કારણ

એક તમારા મતને કારણ   ખોટો  ના ચૂંટાય  એ જો જો
એક તમારા મતને કારણ સાચો ના રહી જાય એ જો જો

એક  તમારા  મતથી  ખાટું  મોળું  શું  થાશે જાણો છો?
એક ટીપાંથી  આખે આખું  દૂધ ન ફાટી જાય  એ જો જો

એક  તમારો મત  મેળવવા  કહેશે  તારા  તોડી  લાવું?
રાહ  જુઓ  પણ  ધોળે દાડે  તારા ન દેખાય એ જો જો

એક  તમારા મતની  પળને  સમજીને  સાચવજો  અથવા
પાંચ વરસ માટે   છાતીમાં ડૂમો  ના  અટવાય એ જો જો
-કૃષ્ણ દવે
ક્લીક કરો અને સાંભળોઃ

 (Red FM Ahmedabad.
Singers: Saumil Munshi, Darshana Thakker & Chorus
Music Composed & Arranged: Shyamal - Saumil Munshi
Music Programming: Rahul Munjaaria
Chorus : Amip Prajapati, Mihir Jani, Savani Shah,
Kosha Pandya, Aashita Prajapati, Hetal Rawal.
Recording, Mixing and Mastering :
Rakesh Munjaaria, Jigar Modi, Jay Mulerkar
Recorded at: M3 Digital.)