સપનાં લો કોઈ સપનાં [વૉલ્તર દ લા મેરની સ્મૃતિમાં]
સપનાં લો કોઈ સપનાં
અવાવરું કો હૈયા ખૂણે
નાખી રાખો, નહિ કંઈ પૂણે
નીવડશે કદી ખપનાં
ઉઘાડી આંખે દેખાતી આ
ક્યારે પૂરી મબલક દુનિયા?
છતી કરે એ નાખી હૈયે
ભૂરકી છાનાંછપનાં
સપનાં લો કોઈ સપનાં
કરતાં જીવતરને શું અડપલાં
ચમકે તે જ હસંતાં પગલાં
માનવતા-મ્હોરી વાડીમાં
કોઈક કવિના તપનાં
સપનાં લો કોઈ સપનાં
(ઓક્સફર્ડ, જૂન ૧૯૫૬)
-ઉમાશંકર જોશી
ક્લીક કરો અને સાંભળો
દિલીપ ધોળકીયાના સ્વરાંકન અને
ફાલ્ગુની શેઠના સ્વરમાં આ રચનાઃ
|