કોણ આજે રહે બંધ બારણે?
કોણ આજે રહે બંધ બારણે?
આવ, આવ, જો જગત-પ્રાંગણેઃ
સાગર હિલ્લોલે વનવન ડોલે,
વીજ ચડી છે વિરાટ ઝૂલે;
દુરે, સીમે, નવ નવ મોલે
ધરતીનું દિલ ખોલે.
વાદળ નાદે ઝરણાં જાગે,
મત્ત બની ઘર સરિતા ત્યાગે;
જલધારાના સહુ ઝંકારે
સંજીવન સૂર વાગે.
આભ ખુશી જો વિધ વિધ રંગે,
ધરા ખુશી નવ-ધાન-સુગંધે;
ધરતી-નભના આ ઉત્સવમાં
આવ, આવ, સહુ સંગે.
-પ્રહ્લાદ પારેખ
ક્લીક કરો અને સાંભળો
ભાઈલાલભાઈ શાહનું સુંદર
સ્વરાંકન અને ઉત્તમ રજૂઆતઃ
(Source :
http://prarthnamandir.wordpress.com)
|