કંકુ છાંટી કંકોતરી મોકલો

(લગન લખતી વખતે ગવાતું ગીત)

કંકુ છાંટી કંકોતરી મોકલો
એમાં  લખજો  અમીબેનનાં નામ રે લગન આવ્યાં ઢૂંકડાં

બેનના દાદા આવ્યા ને દાદી આવશે
બેનના  માતાનો  હરખ  ન માય રે લગન આવ્યાં ઢૂંકડાં
બેનના કાકા આવ્યા ને કાકી આવશે
બેનના  ફૈબાનો  હરખ  ન માય રે લગન આવ્યાં ઢૂંકડાં

બેનના મામા આવ્યા ને મામી આવશે
બેનના માસીબાનો હરખ ન માય રે લગન આવ્યાં ઢૂંકડાં
 
બેનના વીરા આવ્યા ને ભાભી આવશે
બેનની  બેનીનો  હરખ  ન  માય રે લગન આવ્યાં ઢૂંકડાં