વાત બહાર જાય નહિ
વાત બહાર જાય નહિ
વાત બહાર જાય નહિ
આ તો તમે રહ્યા ઘરના
બીજા કોઈને કહેવાય નહિ
નામ હોય સુનયના, આંખડીઓ બાડી
ડાહ્યાભાઈ દીકરો, વાત કરે ગાંડી
કાણાને કાણો કહી કદી બોલાવાય નહિ
આ તો તમે રહ્યા ઘરના
બીજા કોઈને કહેવાય નહિ
જૂઠી આ દુનિયાની વાત બધી જૂઠી
વાત કરે લાખોની ખાલી હોય મુઠી
જૂઠાને જૂઠું કહી કદી વગોવાય નહિ
આ તો તમે રહ્યા ઘરના
બીજા કોઈને કહેવાય નહિ
નીવડે કપુત તોયે શેઠિયાનો સુત શાણો
ઉપરથી ફૂલ જેવો અંદરથી મોટો પાણો
સમજ્યું સમજાય છતાં બોલ્યું બોલાય નહિ
આ તો તમે રહ્યા ઘરના
બીજા કોઈને કહેવાય નહિ
સ્વરઃ ગીતા રોય
ગીત-સંગીતઃ અવિનાશ વ્યાસ
ચિત્રપટઃ રમતારામ (૧૯૫૦)
ક્લીક કરો અને સાંભળોઃ
આ દુર્લભ ઓડિયો ક્લીપ આપવા બદલ અમદાવાદના ગુજરાતી સુગમ સંગીત ફાઉન્ડેશનનો અને ગીતનો પાઠ પૂરો પાડવા બદલ સુરતના શ્રી હરીશ રઘુવંશીનો ઘણો ઘણો આભાર.
|