કારોબાર હાથમાં કારોબાર રાખ્યો તેં, ને મને બારોબાર રાખ્યો તેં. એક ડગ છૂટથી ભરી ન શકું, ખીણની ધારોધાર રાખ્યો તેં. કોણ છું કોઈ દિ’ કળી ન શકું, ભેદ પણ ભારોભાર રાખ્યો તેં. આંખમાં દઇ નિરાંતનું સપનું, દોડતો મારોમાર રાખ્યો તેં. શ્વાસ સાથે જ ઉચ્છ્વાસ દીધા, મોતની હારોહાર રાખ્યો તેં. હાથમાં કારોબાર રાખ્યો તેં, ને મને બારોબાર રાખ્યો તેં. રચનાઃ મનોજ ખંડેરિયા સ્વર-સંગીતઃ શ્યામલ-સૌમિલ મુનશી ક્લીક કરો અને સાંભળોઃ
|