નયનને બંધ રાખીને નયનને બંધ રાખીને, મેં જ્યારે તમને જોયાં છે તમે છો એના કરતાં પણ વધારે તમને જોયાં છે ઋતુ એક જ હતી પણ રંગ નો’તો આપણો એક જ મને સહેરાએ જોયો છે બહારે તમને જોયાં છે પરંતુ અર્થ એનો એ નથી કે રાત વીતી ગઇ નહિ તો મેં ઘણી વેળા, સવારે તમને જોયાં છે હકીકતમાં જુઓ તો એય એક સપનું હતું મારું, ખુલી આંખે મેં મારા ઘરનાં દ્વારે તમને જોયાં છે નહિ તો આવી રીતે તો તરે નહિ લાશ દરિયામાં મને લાગે છે કે એણે, કિનારે તમને જોયાં છે ગણી તમને જ મંઝિલ એટલા માટે તો ભટકું છું, હું થાક્યો છું તો, એક એક ઉતારે તમને જોયાં છે. નિવારણ છો કે કારણ, ના પડી એની ખબર કંઈએ, ખબર છે એ જ કે મનનાં મુંઝારે તમને જોયાં છે. નથી મસ્તી મહોબ્બત, એવુ કંઈ કહેતો હતો ‘બેફામ’ એ સાચું છે અમે એના મઝારે તમને જોયાં છે. સ્વરઃ મનહર ઉધાસ ગઝલઃ બરકત વિરાણી ‘બેફામ’ ક્લીક કરો અને સાંભળોઃ મનહર ઉધાસની ગાયેલી સૌથી લોકપ્રિય ગઝલ જેની પ્રસ્તુતીથી ગુજરાતી સુગમ સંગીતના ક્ષેત્રે એક નવો અધ્યાય શરૂ થયો...
|