ખબર નો’તી કે આ ઈન્કાર પણ ખબર નો’તી કે આ ઈન્કાર પણ સ્વીકાર થઈ જાશે તમારી સંમતિ મારા શબદનો સાર થઈ જાશે પ્રબંધોના પરિઘોમાં પરીંદા પાંખ વીંઝે ત્યાં પરમ લક્ષ પામતા પહેલાં પ્રથમ પ્રયાણ થઈ જાશે ખબર નો’તી કે આ ઈન્કાર પણ સ્વીકાર થઈ જાશે ધનુષી મેઘરંગો જ્યાં પરસ્પર પોતીકાં થાશે સુભગ સંગમ રચાશે ત્યાં સુધી સવાર થઈ જાશે ખબર નો’તી કે આ ઈન્કાર પણ સ્વીકાર થઈ જાશે કલેજાની કરામતની કવિતા આ કલમ ગાશે રચાશે રાગની માળા અને રણકાર થઈ જાશે ખબર નો’તી કે આ ઈન્કાર પણ સ્વીકાર થઈ જાશે પછી તો શબ્દથી ધંખના બજાવે બીન બંસીમાં મનોહર મુક્તકો, ગઝલો બધું સાકાર થઈ જાશે ખબર નો’તી કે આ ઈન્કાર પણ સ્વીકાર થઈ જાશે ખબર નો’તી કે આ ઈન્કાર પણ સ્વીકાર થઈ જાશે તમારી સંમતિ મારા શબદનો સાર થઈ જાશે સ્વરઃ કુમાર પંડ્યા કવ્વાલીઃ લેફ્ટે. સિદીકભાઈ સુમરા સંગીતઃ મેહુલ ત્રિવેદી (આલ્બમઃ ઈબાદત ૨૦૧૭) ક્લીક કરો ને સાંભળો:
|