તમને સમય નથી અને મારો સમય નથી! દિલનાં દર્દને અશ્રુથી તોલી શક્યા નહિ હૈયું પરસ્પર આપણે ખોલી શક્યા નહિ જાલિમ જમાનો બેઉની વચ્ચે હતો એથી સામે મળ્યા ને કાંઈ પણ બોલી શક્યા નહિ તમને સમય નથી અને મારો સમય નથી કોણે કહ્યું કે આપણી વચ્ચે પ્રણય નથી રોકી રહી છે તમને તમારી શરમ અને મારા સિવાય મારે બીજો કોઈ ભય નથી વિસરી જવું એ વાત મારા હાથ બહાર છે ને યાદ રાખવું એ તમારો વિષય નથી! હું ઈન્તેજારમાં અને તમે હો વિચારમાં એ તો છે શરૂઆત કંઈ આખર પ્રલય નથી સ્વરઃ મનહર ઉધાસ રચનાઃ બાપુભાઈ ગઢવી ક્લીક કરો અને સાંભળોઃ
|