ચાંદની રાતે ઓ હંસી ચાંદની રાતે ઓ હંસી ચિત્તડું ન બાળીએ અંધારા અજવાળાં આઠે પહોર ચંપો દેખાશે નકરો થોર સપનામાં જાગી જઈને સાચું ન ભાળીએ ચાંદની રાતે ઓ હંસી ચિત્તડું ન બાળીએ સપનાંની શૂળ વાગી ધરતીની ધૂળ લાગી સામે પૂરે તરવાનો છે તોર આંબાનું પંખી બેઠું બાવળિયાની ડાળીએ ચાંદની રાતે ઓ હંસી ચિત્તડું ન બાળીએ ગંગાની પાવન ધારા શિવની જટામાં આરા પહાડી પથ્થરમાં તૂટે જોર પોતાની પીડાને પોતે મનમાં પછાડીએ ચાંદની રાતે ઓ હંસી ચિત્તડું ન બાળીએ ઘરની માયા રહી ઘરમાં દુનિયા બેઠી ડુંગરમાં ચાંદનીમાં ચીતર્યાં બપોર હૈયાની હોડીને ના હાથે ઊંધી વાળીએ ચાંદની રાતે ઓ હંસી ચિત્તડું ન બાળીએ સ્વરઃ મુકેશ અને અનુરાધા પૌડવાલ ગીતઃ વેણીભાઈ પુરોહિત સંગીતઃ દિલીપ ધોળકીયા ચિત્રપટઃ ડાકુરાણી ગંગા (૧૯૭૬) ક્લીક કરો અને સાંભળોઃ આ ગીતના સાચા પાઠ માટે શ્રી હરીશ રઘુવંશીનો ઘણો જ આભાર
|