જા રે ઝંડા જા
જા રે ઝંડા જા, ઊંચે ગગન, થઈને મગન
લહેરા … જા … જા રે ઝંડા જા ….
મૂક્યાં જેણે માથા એની યશોગાથા
ફરકી ફરકી ગા … જા … જા રે ઝંડા જા ….
શહીદ થઈને તારે ચરણે સૂતાં લાડકવાયા
સ્વાધીનતાના તાણે વાણે એનાં રંગ છવાયા
મુક્ત થઈ છે તો મુક્ત જ રહેશે,
તારે કારણ મા … મા … જા રે ઝંડા જા …
પ્રાણ લીધા વિના પ્રાણ બિછાવ્યાં
અહિંસાને હથિયારે
સત્ય ને શાંતિથી ક્રાંતિને સાધી
તોપ નહિ તલવારે
આભને બૂરજ એક જ સૂરજ
તું બીજો સૂરજ થા … જા રે ઝંડા જા …
સ્વરઃ મુકેશ
ગીત-સંગીતઃ અવિનાશ વ્યાસ
ક્લીક કરો અને સાંભળોઃ
ગીતના શબ્દો માટે મુખ્ય આધાર
શ્રી હરીશ રઘુવંશી સંપાદિત
અનોખો ગ્રંથ ‘મુકેશ ગીત કોશ’ (૧૯૮૫)
|