મહા ભયંકર એ મારગમાં
વિચરે  મહાવીર  સ્વામી


વિષ  ભરીને  વિષધર  સૂતો  ચંડકોશીયા   નામે
મહા ભયંકર એ મારગમાં વિચરે મહાવીર સ્વામી

જાજો મા  પ્રભુ પંથ વિકટ છે
ઝેરભર્યો એક નાગ નિકટ છે

હાથ જોડીને વિનવે વીરને  લોક બધાં ભય પામી
મહા ભયંકર એ મારગમાં વિચરે મહાવીર સ્વામી

આવી ગંધ  જ્યાં માનવ કેરી
ડંખ  દીધો ત્યાં  થઈને  વેરી

હિંસા અને અહિંસા વચ્ચે  લડાઈ  ભીષણ જામી
મહા ભયંકર એ મારગમાં વિચરે મહાવીર સ્વામી

દૂધ વહ્યું  જ્યાં પ્રભુને ચરણે
ચંડકોશીયો  આવ્યો  શરણે

કૈંક સમજ તું  કૈંક સમજ એમ કહે કરુણા આણી
મહા ભયંકર એ મારગમાં વિચરે મહાવીર સ્વામી

વેરથી વેર શમે નહિ જગમાં
પ્રેમથી  પ્રેમ  વધે  જીવનમાં

પ્રેમધર્મનો પરિચય પામી  નાગ રહ્યો  શિર નામી
મહા ભયંકર એ મારગમાં વિચરે મહાવીર સ્વામી

ગીત-સંગીત-સ્વરઃ
શાંતિલાલ બી. શાહ (૧૯૫૧)

ક્લીક કરો અને સાંભળોઃ