ખરાં છો તમે!
ઓ પ્રિયે ! પરિકરના જેવું આ જીવન છે આપણું
બે જુદાં શિર છે પરંતુ એક તન છે આપણું
વર્તુલો રચવા લગીની છે જુદાઈની વ્યથા
કાર્ય પૂરું થઈ જતાં સ્થાયી મિલન છે આપણું
- શૂન્ય પાલનપુરી
*
ઘડીમાં રીસાવું? ખરાં છો તમે!
ઘડીમાં મનાવું! ખરાં છો તમે!
હજી આવી બેઠાં ને ઊભાં થયાં!
અમારાથી આવું? ખરાં છો તમે!
ન પૂછો કશું યે, ન બોલો કશું.
અમસ્તા મુંઝાવું! ખરાં છો તમે!
ન આવો છો મળવા ન ઘરમાં રહો,
અમારે ક્યાં જાવું? ખરાં છો તમે!
હતી ભાગ્યરેખા, ભુંસાઈ ગઈ!
નવી ક્યાંથી લાવું? ખરાં છો તમે!
સ્વરઃ પંકજ ઉધાસ
રચનાઃ કૈલાસ પંડિત
ક્લીક કરો અને સાંભળોઃ
|